Руското министерство за одбрана ја објави најновата листа на странски борци или платеници како што тие ги нарекуваат кои се борат или се загинати во војната во Украина.
Во графата за Македонија стои дека вкупно од 24 февруари до сега во Украина на страната на владата на Зеленски се бореле 79 македонски државјани.
Од нив според руското министерство за одбрана елиминирани или убиени се 26 македонски борци или странски платеници како што ги нарекува Москва.
Во Македонија се вратени 21 лице а активни на фронтот во моментов се 32 лица.
За споредба само од Косово во Украина досега се бореле 156 лица од кои 72 или речиси една половина се убиени.
Во случајот со Македонија убиени се една третина од заминатите во Украина.
