Доколку биде избрана за премиер, британската министерка за надворешни работи Лиз Трас изјави дека нема да дозволи нов референдум за независност во Шкотска, објави „Дејли телеграф“.
Таа потсети дека референдум треба да се одржува еднаш во една генерација.
Шкотските власти предложија втор референдум за независност на Шкотска на 19 октомври 2023 година.
Во јуни, шкотската премиерка Никола Старџен ја објави својата намера да одржи референдум за независност. Според неа, за ова прашање треба да одлучува Врховниот суд на Обединетото Кралство.
Првиот референдум за независност на Шкотска беше одржан во 2014 година. Тогаш повеќе од 50% од учесниците гласаа против отцепување.
