Европската унија бара дополнителни испораки на гас од Нигерија додека блокот се подготвува за потенцијални намалувања на испораките од Русија, пишува Ројтерс.
Метју Болдвин, заменик генерален директор на Одделот за енергетика на Европската комисија, неделава во Нигерија одржа состаноци со претставници на најголемиот африкански производител.
Му беше кажано дека Нигерија ја подобрува безбедноста во делтата на Нигер и дека планира повторно да го отвори гасоводот Транс Нигер по август, што ќе доведе до поголем извоз на гас во Европа.
ЕУ увезува 14 отсто од вкупните резерви на ЛНГ од Нигерија и има потенцијал да го удвои тој износ, изјави Болдвин за Ројтерс.
Производството на нафта и гас во Нигерија е проблематично поради кражби од нафтоводи и вандализам, поради што терминалот на островот Бони на производителот на гас Nigeria LNG Ltd работи со капацитет од 60%.
