Украина ги повика сојузниците да испратат повеќе оружје додека нејзините сили се вкопуваат надевајќи се дека ќе го запрат рускиот напредок низ источниот регион Донбас.
Главниот украински преговарач рече дека се ближи пресвртната точка во конфликтот.
Во делови од окупираните јужни региони Херсон и Запорожје, заменик-премиерот на Украина ги повика жителите да се евакуираат пред украинските сили да започнат контраофанзива.
„Ве молиме заминете – нашата војска ќе почне да ги освојува овие области. Нашата определба е цврста како карпа. И ќе биде многу тешко подоцна да се отворат хуманитарни коридори кога станува збор за децата“, рече Ирина Верешчук.
