Производителите тивко ја намалуваат содржината на своите производи без да ги намалат цените, и тоа се случува на глобално ниво, објави АП.
Со таканареченото „намалување“ (shrinkflation ) компаниите ги префрлаат своите трошоци на клиентите, а новинската агенција тврди дека тоа е прозес кој се забрзува низ целиот свет.
Во САД, една мала кутија Kleenex сега има 60 шамивчиња, додека пред неколку месеци имаше 65. Големината на јогуртот исто така е намалена. Во Британија, Нестле ги намали своите лименки кафе од 100 грама на 90 грама. Во Индија, парче сапун за садови е намалено од 155 грама на 135 грама.
„Тоа доаѓа во бранови. Во моментов сме во огромен бран поради инфлацијата“, изјави за АП адвокатот на потрошувачите и поранешен помошник државен обвинител Едгар Дворски. Тој со децении го документира намалувањето на својата веб-страница.
Дворски минатата есен почна да забележува помали пакувања житарици и вели дека оттогаш овој тренд е зголемен. Тој тврди дека производителите знаат дека купувачите ќе забележат поскапување, но нема да ја следат нето тежината или ситните детали.
Како што е бројот на листови во ролна – тоалетна хартија.
Според него, компаниите користат други трикови за да го одвлечат вниманието од намалувањето, како што е означување на помали пакувања со светли нови етикети кои ги привлекуваат погледите на клиентите.
Законот, пак, вели дека овде нема прекршување на законите, туку потрошувачите се залажуваат со трикови. Во стандардното пакување на кое се навикнати клиентите, производителите нудат полесни производи по цена иста како и за „потешкиот“ производ.
Ваквите потези на производителите не се невообичаени и се користат од многу светски компании со цел да се подигне профитот. Во секој случај, потрошувачите можат да се обратат до пазарната инспекција и да ја известат доколку сметаат дека се измамени…
