„Македонскиот правопис е донесен на 7 јуни 1945 со решение на Министерството за просвета, потпишано од тогашниот министер Никола Минчев“ – вели весникот „Нова Македонија“ во својата редакциска статија со наслов „Правописот на македонскиот јазик денеска слави 77 години“
„Нова Македонија“ пишува: „Македонскиот правопис, предложен од комисијата за јазик и правопис при Министерството на народната просвета, се приема како официален правопис. Истиот ќе се отпечати во засебни книшки, како издање на Министерството за народната просвета.’ – се вели во членот 1 од Решението за правописот на македонскиот јазик од 7 јуни 1945 година, потпишано од тогашниот министер за просвета Никола Минчев.“
„Македонскиот правопис е донесен на 7 јуни 1945 со решение на Министерството за просвета потпишано од тогашниот министер Никола Минчев.“
„Во работа од нецела година и на три комисии, азбуката и правописот ги донела Третата јазична комисија во состав: Венко Марковски, Васил Иљоски, М. Павловски, Блаже Конески, Крум Тошев, Иван Мазов, Г. Влахов, Владо Малески, К. Х. Василев, И. Топаловски. На 3 мај 1945, дефинитивно ја утврдила македонската азбука, која ги содржи следните 31 буква: А, Б, В, Г, Д, Ѓ, Е, Ж, З, Ѕ, И, Ј, К, Л, Љ, М, Н, Њ, О, П, Р, С, Т, Ќ, У, Ф, Х, Ц, Ч, Џ, Ш.“
„Истиот ден Владата донела решение, со кое била озаконета азбуката. Решението било објавено во весникот ‘Нова Македонија’ во бројот од 5, 6 и 7 мај 1945 година. Оваа комисија, со исклучок на Мазов, на 2 јуни 1945 го утврдила и нацртот за македонскиот правопис, за кој на 7 јуни 1945 е донесена Резолуција од Владата. Со тоа македонскиот правопис станал официјален.“
„Усвоениот елаборат бил објавен во посебна книшка. Веќе следниот ден по усвојувањето на правописот, Конески го објавува написот ‘За македонскиот литературен јазик’, во кој се претставени ставовите за македонската азбука и правопис. Влахов ја објавува статијата ‘Слободна Македонија во Федеративна Југославија ‒ крај на меѓусебните борби на балканските народи’.“
„Првите измени и дополнувања на Правописот се направени две години подоцна“
„Некои измени и дополнувања на Правописот биле направени од Комисијата за преразгледување на прашањата во врска со македонскиот правопис во состав: д-р Михаил Петрушевски, Блаже Конески и Крум Тошев, назначена на 20 ноември 1947. Од овие промени, најважна била промената на наставката -уе во -ува. Предлогот бил прифатен на собир на македонските писатели, новинари, филолози и други културни работници на 6 април 1948 и објавен во проширеното издание на Македонскиот правопис со правописен речник на Конески и Тошев, објавено во 1950.“
„Блаже Конески како основоположник и кодификатор на современиот македонски јазик на идните генерации остави трајна порака да го зачуваме, да го негуваме и да го унапредуваме македонскиот јазик, зашто е еден од најважните столбови на нашиот идентитет.“
