Во моментов, навистина не гледам како украинските сили можат да се справат со Русите. Ова за БНР го изјави Стефани Бабст, поранешен шеф на тимот за стратегиски предвидувања на НАТО.
Таа ја опиша тактиката на руската армија во јужна Украина како тактика на змијата боа....
„Боата ја заобиколува својата жртва и постепено го стега обрачот додека не го задави пленот. Токму тоа го прави Русија од почетокот на војната, кога ја нападна Украина од три страни одеднаш“, објасни експертката.
Според неа, Русија се обидува да ја „задуши“ не само украинската армија, туку и економијата на земјата. Според неа, тоа беше особено видливо на брегот на Азовско и Црно Море – Русија ги блокираше пристаништата и ги прекина украинските синџири за снабдување.
Бабст истакна дека и Одеса била под опсада. Пристанишниот град се уште е под контрола на Украина, но под силен руски оган.
Според неа, украинските сили успеале релативно добро да спречат слетување на море, но тоа значело дека немало трговија преку пристаништето Одеса. Пристаништето е минирано и руски воени бродови чекаат во водите на Црното Море, рече таа.
