Францускиот претседател Емануел Макрон оцени дека Владимир Путин направил „историска и фундаментална грешка“ со инвазијата на Украина и дека сега е „изолиран“.
„Мислам дека и му кажав на Путин дека направи историска и фундаментална грешка за неговиот народ, за себе и за историјата“, рече Макрон според кој двајцата претседатели говореле на телефон повеќе од 100 часови во изминативе месеци.
„Мислам дека тој се изолираше“, рече Макрон во интервју за француските регионални медиуми. „Да се изолирате е една работа, но да можете да излезете од тоа е тежок пат“.
Францускиот претседател повтори дека Русија не треба да биде понижувана „за на денот кога ќе престанат борбите, да можеме да го отвориме патот преку дипломатски средства“.
Макрон не „исклучува“ можна посета на Киев.
