„Немаме зошто ние, тетовчаните, да им ја прославуваме 20-годишнината на оние, кои ни ја пцујат мајката.“ – вели Џевдет Хајредини, поранешниот министер за финансии и политички аналитичар, во врска со помпезната прослава, која ја најави ДУИ по повод 20-годишнината од своето основање како партија.“ Во својата колумна, која под наслов „Кутриот Ахмети, тој нема поим за каква ‘љубов кон татковината’ зборува!“, ја објави информативниот портал на албански јазик „А-24 њуз“, Хајредини им упатува и други пораки на ДУИ и на владејачката коалиција:
„Добриот министер за финансии треба да биде и за народот и државата, а не само за премиерот и државата.“
„Сон сонува Африм Гаши дека од него зависи зачленувањето на Македонија во ЕУ.“
„Со овие настани и комеморации им ја пренесуваме на младите генерации љубовта кон татковината, која ја имаа дејците на албанскиот народ, кои не треба да бидат заборавени во ниеден момент.’ – рече Али Ахмети.“
„Ниту тој, кутриот, нема поим за каква ‘љубов кон татковината’ и за кои ‘дејци на албанскиот народ’ зборува. Се знае само дека младата генерација, според заслуга на Ахмети, секој ден се сели во Италија и Германија.“
„Гувернаторката на Народната банка има реалистичен пристап, додека Владата настапува со популизам и со оптимизам без основа.“
