Кривичната пријава од МВР за стечајниот управител на „Трансмет“ не стигнала до Обвинителството. Во меѓувреме, додека институциите истражуваат како имотот кој требаше да биде конфискуван станал стечајна маса, осудениот за Труст Сеад Кочан одлежа две третини од затворската казна.
Осудениот Сеад Кочан во предметот Труст ја издржува третата година од затворската казна во казнено поправниот дом Идризово. Му остануваат уште 1 година, 10 месеци додека да излезе на слобода, велат од министерството за правда за Радио Слободна Европа. Кочан беше осуден поради тоа што неговата фирма Трансмет во 2011 година незаконски добила тендер за ископ на јаглен во РЕК Битола вреден 17 милиони евра.
Помина три години и два месеца откако Кочан започна со издржувањето на казната, ама државата се уште не може во целост да си ја наплати штетата за незаконскиот тендер. Со пресудата за Труст против Кочан во 2018 година, требало да се конфискува имот во вредност од направената штета односно 17 милиони евра за да се обештети државата поради наместен тендер во РЕК Битола во 2011 година.
Линк до целиот текст.
