Протести наместо скара за Први мај- меѓународниот ден на трудот, затоа што не се почитуваат доволно работничките права во земјава, најавува Сојузот на Синдикати на Македонија. Претседателот на ССМ Дарко Димовски најавува масовен синдикален протест в недела, со кој работниците ќе испратат порака до властите и работодавците за повисоки плати.
Тој во интервју за Радио Слободна Европа кое што в целост ќе се објави в недела, вели дека клучни барања на овој протест ќе бидaт право за регрес за сите работниците како во приватниот така и во јавниот сектор, како и нова Методологија за усогласување на сите плати покрај минималната плата.
„Сметаме дека покрај недела неработен ден, треба да се врати и правото за сабота неработен ден, затоа што знаеме дека нашите родители го уживаа тоа право. Доколку се работи во сабота онаму каде што е неопходно, тоа треба достоинствено да се плати затоа што општеството ни се подели на работници кои работат 24/7 и работници кои што ги викаме ние – газди кои уживаат по монденски места и одат по одмори. Не треба да правиме таков јаз во општеството, законите треба за сите да важат подеднакво“, вели Димовски.
Целиот текст на следниот линк:
https://www.slobodnaevropa.mk/a/%D0%BF%D1%80%D0%BE%D1%82%D0%B5%D1%81%D1%82%D0%B8-%D0%BD%D0%B0%D0%BC%D0%B5%D1%81%D1%82%D0%BE-%D1%81%D0%BA%D0%B0%D1%80%D0%B0-%D0%BD%D0%B0-%D0%BF%D1%80%D0%B2%D0%B8-%D0%BC%D0%B0%D1%98/31825334.html
