Два ракетни удара врз централниот дел на Киев вечерва, соопшти градоначалникот Виталиј Кличко, според кој има најмалку тројца ранети, а погодени се долните катови на станбена зграда.
Министерот за надворешни работи Дмитро Кулеба, пак, го стави акцентот на тоа дека рускиот напад се совпаднал со посетите на генералниот секретар на Обединетите нации, Антонио Гутереш, и на бугарскиот премиер Кирил Петков на главниот град на Украина.
„Русија удри на Киев со крстосувачки ракети токму кога генералниот секретар на ОН, Антонио Гутереш, и бугарскиот премиер Кирил Петков беа во посета на нашиот главен град. Со овој грозоморен чин на варварство Русија уште еднаш го демонстрира својот став кон Украина, Европа и светот“, објави Кулеба на Твитер.
