Советник на градоначалникот на Мариупол одговори на барањето на руското Министерство за одбрана за предавање на украинските војници кои и натаму пружаат отпор на руските напади, порачувајќи дека борбата за градот продолжува.
„Окупаторите во саботата вечер најавија дека ќе обезбедат „коридор за предавање“ за преостанатите трупи. Но, нашите бранители продолжуваат да ја држат одбраната на градот“, рече Петро Андриушченко на „Телеграм“, пренесува „Си-Ен-Ен“.
Москва со ултиматум до Зеленски: Предајте го Азовстал…
„И покрај желбата на окупаторот да прикаже дека местото на непријателство е ограничено на челичарницата Азовстал, тоа не одговара на вистината. Синоќа дојде до борби во улицата Тагарни која е на пет километри од Азовстал“, додаде тој и нагласи дека руските сили во текот на борбите повторно користеле тешка артилерија и гранатирале приватни станбени објекти.
