Бугарскиот премиер Кирил Петков предмалку пристигна во Битола, на отворање на клуб во состав на културниот центар „Ванчо Михаилов“.
Освен Петков, во Битола е и потпретседателката на Бугарија Илијана Јотова, министерката за надворешни работи Теодора Генчовска и поранешната шефица на дипломатијата Екатерина Захариева.
Од Министерството за внатрешни работи за „360 степени“ потврдија дека градот е под засилено полициско обезбедување, што е пракса кога во земјава доаѓа висока делегација.
