Поранешната шефица на бугарската дипломатија Екатерина Захариева смета дека Бугарија изгледа несериозна пред Скопје, поради разликата во ставовите во однос на Македонија меѓу бугарското МНР и бугарската влада.
„Кога Советот на министри или советниците на премиерот велат едно нешто што не е прв пат, а МНР друго, нема шанси Бугарија да изгледа сериозно ниту во очите на С.Македонија, ниту во очите на нашите партнери. Политиката мора да биде унифицирана и апсолутно е неприфатливо шефот на дипломатијата да дознава од медиумите“, изјави поранешната министерка.
Генчовска призна дека има несогласувања меѓу бугарското МНР и Владата
„Се чини дека немаме единствен став по прашањето за РСМ, напротив. Националниот консензус кој долги години надпартиски е постигнат , во моментов е разнишан“.
Според Захариева Бугарија пропуштила „златна шанса“ да постигне напредок во случајот со Скопје за време на француското претседателство, кое завршува на крајот на јуни и беше „многу избалансирано“.
Претходно денеска министерката за надворешни работи Теодора Генчовска изјави дека во кабинетот имало несогласувања на тема Северна Македонија, но бугарското МНР работи на заштита на националните интереси.
