„Благодарам на бугарскиот суд. Нема никој над законот!“, напиша на својот Фејсбук профил лидерот на ГЕРБ, Бојко Борисов, откако денеска беше прогласен за незаконски налогот за негово приведување кон крајот на март..
Судот пресуди дека Министерството за внатрешни работи мора да ги плати трошоците за случајот во износ од 310 лева.
На 17 март, екс-премиерот Борисов, поранешниот министер за финансии, Владислав Горанов и поранешната шефица на прес-службата на Борисов, Севделина Арнаудова, беа приведени 24 часа, а следниот ден беа ослободени без обвинение.
Нивното приведување предизвика бран протести во земјата против начинот на кој беше спроведено, вклучително и остри критики од Европската народна партија.
Борисов, Арнаудова и Горанов беа приведени во врска со постапката за изнуда на Васил Божков, кој е под истрага по многу обвиненија и избега од Бугарија и моментално бега во странство.
Адвокатот Менко Менков поднесе претставки против нивниот притвор. На 28 март тројцата беа сослушани пред обвинител и истражител.БГНЕС
