Комисијата за заразни болести до Главниот координативен кризен штаб (ГККШ) достави предлози за укинување на обврската за носење маски во средните училишта, за укинување на забраната за екскурзии и настава во природа, за укинување на задолжителните заштитни маски во затворен простор, со исклучок на здравствените установи, јавниот превоз, аптеките и домовите за возрасни лица.
На седница на Главниот координативен кризен штаб беа усвоени повеќе заклучоци од одлуки и препораки на Комисијата за заразни болести.
Заклучоците ќе бидат доставени до Владата, која за нив ќе одлучува на следната владина седница.
