„Верувам дека правдата ќе победи и дека одлуката на американската администрација ќе биде корегирана. Секогаш сум ги бранел и ќе ги бранам интересите на Македонија“, објави на Фејсбук поранешниот шеф на УБК во Македонија, кој од вчера е на црната листа на САД .
Според него, одлуката била базирана на конструкции и дезинформации за кои со време ќе се докажело дека „се неиздржани.“
Американскиот државен секретар Антони Блинкен објави дека Стејт департментот и Министерството за финансии презеле акција за санкционирање на актерите во Западен Балкан за дестабилизирачки и коруптивни активности.
„САД и партнерите, како што е Обединетото Кралство, бараат одговорност од оние кои ја загрозуваат стабилноста, напредокот и европската интеграција на регионот“, напиша Блинкен на Твитер.
