Фудбалската репрезентација на Македонија не го помина последното скалило до Светското првенство во Катар, откако во финалето од баражот загуби со 2:0 од Португалија во Порто.
Бруно Фернандеш, поранешен соиграч на македонскиот капитен Стефан Ристовски кога играше за Спортинг, беше стрелец на двата гола за домаќинот на „Драгао“ во 32. и во 65. минута.
На мундијалот ќе игра и Полска, која ја совлада Шведска исто така со 2:0.
