Генералштабот на вооружените сили на Украина соопшти дека нема значителни промени на фронтовите, како и дека руската војска подготвува офанзива против главниот град Киев, пренесе Би-би-си.
Уништениот Мариупол останува под опсада, а илјадници луѓе веќе гладуваат.
„Опколениот Мариупол ќе влезе во историјата на одговорност за воените злосторства. Да се направи со мирен град она што го направија окупаторите е терор што ќе се памети со векови.
„Колку повеќе Русија ја тероризира Украина, толку полоши ќе бидат последиците“. – рече претседателот Володимир Зеленски. Секој ден над градот паѓаат од 50 до 100 бомби.
Претходно, заменик-градоначалникот на Мариупол изјави дека во градот не останала ниту една зграда, а неговите жители не можеле ниту соодветно да ги погребаат загинатите во бомбардирањето бидејќи Русите ги блокирале гробиштата. Локалните жители се принудени да ги закопуваат мртвите во масовни гробници во Централ парк.
