Летонија, Естонија и Литванија протераа вкупно десет руски дипломати, соопштија министерствата за надворешни работи на трите балтички држави, цитирани од Ројтерс.
Бугарија протера уште 10 руски дипломати
Литванија протера четворица дипломати, а Латвија и Естонија по тројца.
Дипломатите беа протерани во координиран потег „во врска со активности кои се во спротивност со нивниот дипломатски статус и со оглед на тековната руска агресија во Украина“, напиша на Твитер летонскиот министер за надворешни работи Едгарс Ринкевич.
Естонското Министерство за надворешни работи соопшти дека протерало дипломати поради „директно и активно поткопување на безбедноста на Естонија и ширење пропаганда што ја оправдува руската воена акција“.
Литванија, од своја страна, рече дека протерувањето е „знак на солидарност со Украина“.
