Британски разузнувачи тврдат дека руското напредување кон украинската престолница е забавено и сега тие се наоѓаат на околу 30 километри од Киев.
Нивното напредување го успорија украински сили кои го бранат аеродромот Хостомел, кој е стратешка клучна цел на Русија уште од првиот ден.
Со ова и дефинитивно се демантира вчерашната драматична изјава на градоначалникот на Киев, Виталиј Кличко, дека главниот град на Украина е „блокиран“ од руската војска.
Кличко во интервју за Асошиетед прес вчера на прашањето дали е можна евакуација на цивили од градот. „Не можеме да го направиме тоа, бидејќи сите начини се блокирани“, рече тој, пренесе АП. „Во моментов сме опколени“.
АП забележа дека не може независно да го потврди тврдењето на градоначалникот..
Набргу по објавувањето на интервјуто, градоначалникот се огласи на социјалните мрежи и за сопствената изјава за АП ги обвини „руските медиуми“.
„Вечерта, руските ‘интернет-продавници’ пренесоа информации цитирајќи се себеси дека Киев е наводно опколен и дека евакуацијата на луѓето е невозможна“, напиша Кличко.
„Не верувајте во лаги! Доверба на информации само од официјални извори“, додаде тој.
Тој не прецизираше на кои „официјални извори“ треба да им се верува.
