„За да се види, како што велат од Беса, кој навистина го има мнозинството во Собранието Ковачевски нека го прифати предизвикот на опозицијата и државата да оди на предвремени парламентарни избори.“ – ја пренесува информативната агенција на албански јазик „Журнал“ реакцијата на опозициската партија Беса.
„Беса“ реагира кон премиерот и претседател на СДСМ Димитар Ковачевски:
„Изјавите на премиерот Димитар Ковачевски за улогата на Движењето БЕСА во Собранието се несериозни и го покажуваат пристапот на актуелната власт, дека сакаат се да помине низ силата на бројките, на купените пратеници или искривувањето на волјата на граѓаните на државата.“
„Движењето БЕСА е конструктивна опозиција, која целосно го соголи хибридниот режим на СДСМ и ДУИ, па како ќе се однесуваат пратениците од Движењето БЕСА во Собранието не е работа на премиерот Ковачевски. Балансот на условите, особено преку комисиите во Собранието, е поставен во 2020 година и каква било промена треба да се направи дури откако ќе се одржат парламентарни избори и ќе дојде нов пратенички состав во Собранието.“
„Ако Ковачевски е убеден дека го има мнозинството, го повикуваме да го прифати предизвикот на опозицијата и да се оди на предвремени парламентарни избори, а дотогаш тој може да ‘ужива’ во задачата што ја презеде како премиер со мнозинство купено и уценувано, кое што не ја одразува политичката реалност на пресудата на народот“.
