Градоначалникот на украинскиот главен град, Виталиј Кличко објави дека властите одобриле план за евакуација во случај на можна руска инвазија.
„Нашите напори се насочени кон спречување или надминување евентуални провокации и отпор на воен напад. Постапуваме во согласност со јасен план“, изјавил Кличко.
На Запад и во Украина се загрижени за наводните подготовки на Москва за инвазија на Украина.
Портпаролот на Кремљ, Дмитриј Песков, изјавите ги опиша како празна и неоснована ескалација на тензиите, нагласувајќи дека Русија не претставува закана за никого.
Во исто време, портпаролот на Кремљ не исклучи дека може да има провокации за оправдување на таквите наводи и предупреди дека обидите за насилно решавање на украинскиот конфликт ќе имаат исклучително сериозни последици.
Се повеќе земји ги евакуираат своите дипломати од Украина.
