Граѓаните кои се приклучени на системот на АД ЕСМ, подружица „Енергетика”, имаат парно греење.
Од страна на Управниот одбор на АД ЕСМ, раководството на „Енергетика” и експертски тимови се следи состојбата со енергенсите на светско и домашно ниво, со оглед на вртоглавиот раст на цената на природниот гас, кој се користи како основен енергенс во производството на топлинска и електрична енергија во „Енергетика”и истиот е навремено обезбеден – велат од ЕСМ – Енергетика, пренесува Слободен печат.
Преку овој систем , со парно греење се снабдуваат околу 3.500 домаќинства, 17 основни и средни училишта и детски градинки и 75 деловни субјекти во скопските населби Железара, Автокоманда, Триангла, Маџари и Хиподром.
