Бугарскиот претседател Румен Радев разговарал со францускиот претседател Емануел Макрон за европската перспектива на Македонија.
По телефонскиот разговор на оваа тема со австрискиот претседател Александар Ван дер Белен и денешната средба со германскиот претседател Франк-Валтер Штајнмаер, на која исто така, се разговарало за нашата земја, Радев попладне во Стразбур имаше средба и со францускиот претседател Емануел Макрон.
Како што јавуваат бугарските медиуми, меѓу главните точки на состанокот со Макрон биле билатералните односи меѓу двете земји, влезот на Бугарија во Шенген-зоната, како и европската перспектива на Македонија.
Радев, во разговорот со Макрон, слично како претходно на средбата со Штајнмаер, рекол дека Бугарија очекува конкретни и неповратни резултати во билатералниот дијалог со Република Македонија, кои ќе ги гарантираат европските вредности во однос на почитувањето на човековите права и прекинот на говорот на омраза, како и заштитата на бугарската културно-историско наследство во земјата.
