Патни експерти од Ќустендил тврдат дека македонска компанија пред 20 години ја изградила делницата на автопатот „Струма“ во Бугарија, каде што вчера изгоре автобусот со македонски регистарски таблички, но проектот е на бугарска фирма, а Македонците биле само изведувачи, пренесе бугарската телевизија „Нова“.
Според нив изградбата на делницата на автопатот „Струма“ ѝ е доверена на македонска компанија по добиен тендер. Но, како што велат, комплицираната ситуација со одморалиштето со чешма од страничниот дел на патот била предвидена од бугарскиот проектант, а не од македонските изведувачи. „Тоа значи дека не е виновен изведувачот“, додаваат експертите.
