Речиси три години по стапувањето во сила на договорот од Преспа меѓу Грција и с.Македонија, поранешната југословенска република сè уште не ги исполнила целосно голем број услови вклучени во договорот, објави Катимерини.
Конкретно, новото официјално име и соодветните придавки не секогаш се прифатени од јавните агенции и институции. Истото важи и за поединци.
Веб-страниците на државните институции не се секогаш ажурирани со барањата од договорот. Во многу случаи, властите не ги отстранија старите ISO кодови (MK, MKD) за веќе задолжителните кратенки RNM или NM (PCM или CM).
Друг проблем е што таблите на министерствата и другите државни агенции не секогаш го содржат новото име на државата.
Надлежните не секогаш ги проверуваат таблите на спомениците на начин со кој ќе се препознава хеленското историско и културно наследство на Античка Македонија, како што е предвидено во условите на договорот.
Сонцето од Вергина – симбол широко користен во античка Грција, кој претходно беше прифатен за употреба од страна на поранешната југословенска република на нејзиното национално знаме и покрај грчките протести – сè уште не е отстранет од сите јавни простори и употреби. Симболот, на пример, сè уште може да се види на централниот плоштад во Виница и во кампусот на основното училиште „Никола Карев“ во Кочани, во источниот дел на северна Македонија.
Во Музејот на македонската борба има мапи на кои е претставена таканаречената „Голема Македонија“, вклучувајќи делови од денешна Грција.
Прашање што ги загрижува властите во Атина е тоа што многу улици во Скопје сè уште ги носат имињата на античките македонски кралеви.
Конечно, кога Северна Македонија учествува на меѓународни настани, изложби, спортски настани и слично, двата збора што го сочинуваат името на земјата мора да бидат со иста големина на фонтот. Набљудувачите велат дека тоа правилото не важи секогаш.
