Новоизбраниот градоначалник на Кочани кој пред неколку дена се онесвести на прес конференција на лидерот на ВМРО-ДПМНЕ Христијан Мицкоски објави дека е позитивен на коронавирус
„По неодамна добиениот резултат од ЦЈЗ-Кочани за денешното мое тестирање на Ковид-19, ја споделувам официјалната информација дека истиот е позитивен“, објави на Фејсбук градоначалникот на Општина Кочани, Љупчо Папазов.
Очекувам брза нормализација и успешно надминување на оваа непријатна состојба. Следниве неколку денови ќе ги поминам во домашна изолација и во меѓувреме своите работни обврски во голема мера ќе ги извршувам онлјан преку редовна комуникација и координација со стручните служби од општинската администрација. Реализацијата на предвидените проекти ќе се одвива непречено според утврден распоред на задачи. Останете безбедни и постојано претпазливи при сè уште активната борба против невидливиот непријател“, се наведува во објавата на Папазов.
