Во Судот во Тетово започна рочиштето за 5-те обвинети кои протестираа по трагедијата од 8 септември во Тетово кога изгореа 14 пациенти во модуларната ковид-болница.
Блерим Ахмеди, Насер Белули, Арјан Шерифи, Џемал Садики и Ветон Алити седнаа на обвинителско столче се товарат за сторено кривично дело „напад врз службено лице“.
На седницата што ја водеше судијата Садула Изаири, беа присутни и петте повредени полицајци кои дежураа на денот на протестот.
Демонстрантите се собраа на улиците во Тетово за да изразат незадоволство од трагедијата што го зафати овој град вечерта на 8 септември, каде што пожарот ја запали модуларната болница и како резултат на тоа 14 лица загинаа, а 12 пациенти беа повредени.
Во судирите минатиот месец со полицијата дел од демонстрантите се обидоа да стигнат до седиштето на ДУИ, а претходно фрлаа со јајца по општинската зграда.
