Програмите на нашите кандидати за градоначалници го содржат најдоброто за секоја општина. Најдоброто за вашата општина ќе го најдете во нашите конкретни, реално остварливи проекти, се вели во соопштението на СДСМ во кое се дава збор.
“За разлика од опозицијата која нуди нереални проекти без реални пресметки, ние даваме збор дека нашите проекти ќе бидат реалност до 2025 година, збор кој планираме да го одржиме, одговорно и домаќински, за да имаме уште поразвиени општини и држава.
Владата предводена од СДСМ има слух за потребите на општините. Посветеноста на централната власт предводена од премиерот Зоран Заев продолжува да ја гарантира реализацијата на локалните проекти за сите општини.
Во периодот 2021-2025 нашиот фокус ќе биде ефикасноста, грижата за потребите на граѓаните и силната определба да создадеме функционални општини способни да ги решаваат проблемите на граѓаните.
СДСМ во изминатите четири години покажа дека работи, дека ниту една општина не остана запоставена и задолжена и дека локалните самоуправи останаа висок приоритет на Владата предводена од СДСМ.
Продолжуваме да инвестираме во капитални проекти кои носат локален економски развој, нови работни места во општините и повисок животен стандард”, се вели во соопштението на СДСМ.
