Грција ќе добие 35,9 милиони евра од Солидарниот фонд на Европската унија за справување со последиците од природните катастрофи во 2020 година и пандемијата на коронавирус.
ЕУ: 140.000 евра помош за 12.400 погодени од пожарите во Македонија
Повеќе од 60% од парите – 21,6 милиони евра – ќе одат за напори за закрепнување по медитеранскиот циклон Јанос што лани, во септември, ги зафати Јонските острови, западна Грција, Тесалија и централна Грција.
Речиси една четвртина од парите – 8,5 милиони евра – ќе бидат потрошени за справување со пандемијата „Ковид -19“.
Околу 3,3 милиони евра ќе одат за ублажување на штетата предизвикана од поплавите во Евија во август 2020 година, и 2,5 милиони евра за земјотресот во Самос во октомври 2020 година, јави Катимерини.
