Владејачката СДСМ денеска ги објави имињата на кандидатите за градоначалници на 16 општини, но меѓу нив не се и имињата на актуелните градоначалници на скопските општини Карпош и Аеродром Стефан Богоев и Златко Марин.
Кандидат за Карпош ќе биде актуелниот директор на скопски „Водовод“, Душко Весковски, додека за градоначалник на скопската општина Аеродром ќе се трка, Александар Филиповски, објави генералниот секретар на СДСМ Љупчо Николовски..
Досегашниот директор на Царина Горан Сугаревски ќе се кандидира за градоначалник на општина Прилеп, додека во Тетово во трката за градоначалник ќе учествува д-р Хенди Алезовиќ. Во Кавадарци кандидат е Горан Тодоров, додека во Велес, д-р Ненад Коциќ.
