Контроверзна изјава на министерот за здравство Венко Филипче кој денеска изјави дека вакциналниот имунитет е траен.
“Има студии кои покажуваат дека прележаните имаат имунитет и по пет и по осум месеци, но тој се намалува. Но, бидејќи имаме препораки за што поскоро вакцинирање, важно е граѓаните да го сторат тоа. Што побрзо се подигне степенот на вакцинација и се постигне колективен имунитет, затоа што вакциналниот имунитет е траен ќе спречиме и следни бранови. Ние мора ова да го прекинеме еднаш, не можеме повторно да се соочуваме со тешки бранови и тоа е логиката на овие 45 дена препорака да се вакцинираат прележаните”, изјави Филипче пренесуваат медиуми.
Филипче не дава конкретен извор или научна студија која потврдува дека има траен имунитет од вакцина против Ковид19.
Повеќе светски институции и медиуми во своите анализи и информации зборуваат за подолг имунитет од вакцина од прележување на болеста или за должината на имунитетот кој се создава од вакцината против Ковид-19 но засега нема јавен достапен релевантен извор на интернет кој ја потврдува тезата на Филипче дека со вакцина се создава траен имунитет.
Повеќе извори кои не потврдуваат траен имунитет:
https://www.healthline.com/health-news/will-covid-19-vaccines-give-lifelong-immunity-to-the-disease-what-we-know
https://health.ucdavis.edu/coronavirus/covid-19-vaccine/covid-vaccine-myths-facts.html
https://www.google.com/amp/s/www.washingtonpost.com/lifestyle/2021/03/29/how-long-immunity-lasts-covid-vaccine/%3foutputType=amp
