Министерот за здравство Венко Филипче изјави дека и денеска има околу илјада нови случаи на Ковид-19.
Како што кажа, „10 отсто од сите дијагностицирани случаи на ковид во земјава се вакцинирани, и исто така 10 отсто од хоспитализираните се исто така вакцинирани“.
Според министерот, граѓаните што се вакцинирани, а се позитивни на вирусот, се со лесна клиничка слика. Вакцинираните граѓани се заштитени од тешко заболување и од смртен исход за разлика од оние граѓани што немаат прележано ковид и не се вакцинирани, вели Филипче.
