Непознат број жители, пожарникари и полицајци се заробени помеѓу два фронта по големиот пожар во северна Атина, кој веќе уништи домови во предградието Варибоби и се шири кон Тракомакедон.
„Пожарот е надвор од контрола“, изјави заменик-гувернерот на Атика за цивилна заштита, Василис Кокалис, за државната Атинско-македонска новинска агенција (АНА-МПА), предупредувајќи дека пожарот се шири и може да стигне до предградието Адамс.
Кокалис изјави дека силните ветрови во областа го подгреваат пожарот и исто така го отежнуваат летот на авионите што гасат со вода, кои ќе мора да слетаат навечер.
„Тоа е трагедија; огнот стигна до плоштадот Варибоби “, изјави за Катимерини, Спирос Вретос, градоначалник на Ахарнон – на кое припаѓаат споменатите предградија.
