Случајот со бизнисменот Орце Камчев кој беше држен во протвр во соба помала од 4 квадратни метри без вода за пиење само ја надополнува оценката на Комисијата за превенција од тортура при Советот на Европа (КПТ) која утврдила тортура и нехуман третман во Македонија.
Во својот објавен извештај КПТ ги повикува властите енергично да ги истражат сите средства користени против затвореници и прорворњнинлуца за да се осигурат дека пораката за нула толеранција на лошо постапување со притворените лица ќе стигне до службените лица за спроведување на законот на сите нивоа.
Во извештајот се утврдува ограничувачки услови во затворот, лош третман на затворениците и нетранспарентно управување со затворот кои се дел од долгогодишните грижи на комисијата за борба против тортура.
“И покрај малите подобрувања, вклучително и реновирање на едното крило на одделот за притвор во затворот Скопје и затворање на три проблематични крила на затворот Идризово, сепак продолжува најголемата долгогодишна загриженост во однос на условите за живот во затворите”, се заклучува во најновиот извештај за Македонија објавен од Европскиот комитет за спречување тортура и нечовечко или понижувачко постапување или казнување (КПТ).
КПТ забележа тесни, нехигиенски и тешки услови за притвор во таканаречената единица „амбуланта“, крилата под затворен режим на затворот Идризово и необновените крила на затворот Скопје, врз основа на „ад хок посета“ на земјата од 7- 9 декември 2020 година.
Објавен заедно со одговорот на Владата (види верзија на одговорот на македонски јазик), извештајот го критикува „анахронистичкиот“ пристап кон третманот на притворените затвореници во затворот Скопје (затворени во ќелиите 23 часа на ден без никаква врска и контакти со нивните деца), никакви „наменски“ активности за осудените затвореници во затворот Идризово и неквалитетна здравствена заштита што им се нуди на затворениците поради неподготвеноста на Министерството за здравство да преземе по „стратешки пристап“ при нејзиното доставување.
Понатаму, КПТ повторно ги слушна обвинувањата за физичко малтретирање на осомничените за криминал од страна на полициски службеници и инспектори кои се состојат првенствено од шлаканици, удари, клоци и удари со пендреци или други предмети (вклучувајќи рачни електрошокови и токи-токи), наводно нанесени заради очигледно извлекување на признание.
Според гледиштето на КПТ, дијалогот со властите во Македонија, кој се базира на меѓусебна доверба и разбирање, бара „конкретна акција“ за спроведување на многу долгогодишни препораки како што е наведено во извештајот.
