Утре ќе им биде исплатен заостанатиот дел од мајската плата на вработените од комуналното претпријатие „Солидарност“ од Виница, вети денеска директорот на претпријатието Александар Трајков.
На 102 вработени им биле исплатени по 100 денари плата за мај.
Исплатата на симболичните 100 денари беше за вработените да немаат прекин и да не останат без здравствено осигурување, посочи Трајков.
„Вработените платата ќе ја добијат утре . Проблемот е надминат. Средства за плата има и утре на сметка ќе им легнат остатокот . Ова го направивме со цел вработените да имат здравствено и придонеси„-изјави Александар Трајков, директор на КП „Солидарност“-Виница.
Проблемот настанал откако судски пресуди за побарување на к-15,опремнина за пензија, награди за вработени и слично ја испразниле касата на претпријатието.
Проблемот бил решен, откако општината помогна со финансиски средства.
