„Јас знам дека луѓето реагираат при сеча. На оваа улица има 171 дрво, при градежните работи е утврдено дека 13 се стари, болни, исушени и без корења. Такви претставуваат опасност за движењето на граѓаните и не дај боже некој може да настрада“, се правда градоначалникот на Центар Саша Богдановиќ по сечата на дрвја на улицата „Орце Николов“ што предизвика бура реакции во јавноста.
Кога имате таква ситуација подобро е да ги отстраните вели Богдановиќ според кој дрвјата не се исечени за нешто да се гради туку да се засадат нови.
