МВР на Спасовски издало пасош на логистичар на борците за Исламска држава на Левантот (ВИДЕО)

Еден од меѓународните криминалци кои што добиле македонски пасоши по 2017 година од министерството за внатрешни работи предводено од Оливер Спасовски од СДСМ извезувал опрема и оружје за исламистичка терористичка организација која сакала да формира Исламска држава во Сирија.



Во видеото што го објавува турскиот новинар и публицист Абдула Бозкурт се гледа признание на турскиот мафијаш Седат Пекер дека во текот на војната во Сирија преку хуманитарни конвои тој испраќал камиони во Сирија кои биле наменети за исламските борци од Ал Нусра.

Фронтот Ал-Нусра или Џабат ал-Нусра, познат како Џабат Фатах ал-Шам по јули 2016 година, исто така опишан и како ал-Каеда во Сирија или ал-Каеда во Левант, е салафистичка џихадистичка организација која се бореше против сириските владини сили во Сириска граѓанска војна.

Целта на оваа, за западните сојузници на Македонија во ЕУ и НАТО терористичка организација, беше да се воспостави исламска држава во Сирија.

Според тоа што го открива Пекер во видеото во Сирија на борците за Исламска држава на Левантот биле испраќани различни видови материјали меѓу кои и оружје.

Седат Пекер во Македонија во јануари годинава добил пасош со лажен идентитет на лицето Џадин Амедовски иако предходно бил протеран во Косово а Турција го бара за криминални активности.

Во текот на судењето на тие што му издале пасош на меѓународниот криминалец не беше одговорено како службениците на МВР кои му издале пасош на Пекер дошле во контакт со него и зошто издале пасош кога знаеле дека тој не ги исполнува условите.

За аферата пасоши за мафија досега нема кривична или политичка одговорност за ниту еден висок полициски или владин службеник иако е јасно дека издавачите на пасоши не можеле сами да му дадат патна исправа на човек за кој сега се открива дека бил дел од сириската војна преку помагање на исламски структури кои сакале да направат Исламска држава во Сирија.