Александар Вучиќ денес изјави дека Србија започнува да гради фабрика за секвенционирање на геном на Институтот за молекуларна биологија, но и изградба на фабрика за тестови за ПЦР.
„Можам да ви кажам дека ќе изградиме и фабрика за ПЦР тестови , што ќе го реши проблемот со тестирање засекогаш“, рече Вучиќ.
Тој додава дека болеста нема да исчезне туку-така, туку дека ќе има и други вируси и затоа инвестициите во здравствената заштита се од клучно значење.
„Мора да бидеме подготвени за потешки предизвици, бидејќи можевме да видиме дека има малку земји кои навистина ќе се солидаризираат“, рече Вучиќ.
Претходно беше најавено дека од мај во Србија ќе се произведува руската вакцина „Спутник“.
