По состанокот со македонскиот претседател Стево Пендаровски утрово, еврокомесарот за проширување Оливер Вархеји, со кус твит побара одблокирање на преговорите со Македонија:
„Ја истакнав поддршката за официално отворање на преговорите за членство и потребата Советот на ЕУ да се согласи за преговарачката рамка. Важно е Македонија и Бугарија да изнајдат заеднички прифатливо решение“, напиша Вархеји на Твитер по средбата со Пендаровски.
Претседателот на Македонија престојува во дводневна посета на Брисел каде што ќе има средби во ЕУ и во НАТО.
Тој денеска се сретна со Вархеји како и со специјалниот претставник на ЕУ за западен Балкан, Мирослав Лајчак и со шефот на ЕУ дипломатијата. Јосеп Борел.
За попладне се предвидени средби со претседателот на Европскиот Парламент, Давид Сасоли и со Европскиот Совет, Шарл Мишел.
