Во соопштение за јавноста по средбата меѓу владин тим и поглаварите на МПЦ-ОА и ИВЗ прес службата на владата вчера направи нов гаф во кој е промашено името на реисот на Исламската верска заедница.
Наместо на реисот Шаќир Фетаи владата во соопштението му се заблагодари на екс реисот Сулејман Реџепи.
“Премиерот Заев и претставниците на Владата се заблагодарија на поглаварот Стефан и на реисот Сулејман Реџепи за придонесот во справувањето со пандемијата.
Договорено е дека и Владата и МПЦ-ОА и ИВЗ ќе продолжат да се заложуваат за заштитата на јавното здравје, со што ќе се овозможи спокој и благодет во семејствата и во општеството”, пишуваше во првата верзија на соопштението на прес службата на владата.
Подоцна прес службата ја исправи грешката но срамот и принт скриновите од гафот останаа да сведочат за аматеризмот во владата.
Се прогласувам се уште за РЕИС pic.twitter.com/VsJcSpUDot
— Прогласувачот (@proglasuvac) April 26, 2021
Промашување на име на поглавар на верска заедница во владини протоколарни објави во најголем дел европски земји се сметат за навреда за која мора да следува јавно извинување.
Линк до последната верзија на соопштението каде е променето точното име и презиме на реисот на ИВЗ.
