Македонците бегрижно играа “БЗЗЗЗ” пред важен меч (ВИДЕО)

Романските новинари се изненадени од лежерноста на македонските фудбалски репрезентативци кои на последниот тренинг пред вечерашниот важен квалификациски меч за светското првенство ја играа играта која е позната како “БЗЗЗЗ”, во која еден “лежи” и треба да погоди кој го удрил по раката додека му се затворени очите.



Како што се гледа од видеото целата симпатична сцена ја следи и селекторот Ангеловски кој националниот тим веќе го пласираше на Европското првенство кое ќе се игра летово.

Македонската фудбалска репрезентација во исчекување на летното деби на Европското првенство од вечерва тргнува и со мундијалскиот квалификациски циклус и пресметката со еден од директните конкуренти на патот кон Катар.

Средбата со Романија почнува во 20.45 часот а се игра на Национална Арена во Букурешт.