Директорот на Државниот завод за статистика, Апостол Симовски, го коментира одложувањеето на пописот во соседна Србија поради пандемијата со коментар дека тие, за разлика од нас, немаат избори есенва.
„Попис и избори дефинитивно заедно не можат да се спроведуваат и овој термин и претходно беше избран намерно за да се избегне ваквото поклопување. Ние веќе еднаш го презакажавме одржувањето на пописот во 2019 година поради редовните претседателски избори, а новиот за април годинава беше договорен некаде во октомври пред да се појават првите случаи со ковид-19 во Кина и потоа следеше прогласувањето на пандемијата“, објасни Симовски за Плусинфо.
На прашањето дали поради коронакризата се разгледувале и други опции за спроведување на пописот, Симовски одговори дека најдобро решение е да биде воведен адресен регистар, како што имаат некои земји и оваа статистичка операција ќе се реализира без никакви потешкотии.
