Бизнисменот Орце Камчев ќе биде спроведен во истражниот затвор “Шутка”, откако судија на претходна постапка му одреди притвор на барање на обвинителката Лиле Стефанова, дознава “Фокус”.
Притворот му е одреден во траење од 30 дена, а како осомничен во истрагата “Плацевите на Водно”.
Камчев утрово беше приведен откако Агенцијата за национална безбедност добила информации дека се спрема за бегство, по што го известила Обвинителството.
Во случајот “Плацевите на Водно” што го отвори бившото СЈО, осомничени се и Никола Груевски, како и екс директорот на УБК, Сашо Мијалков, Ратка Камчева, Ристо Новачевски и Ненад Јосифовиќ.
