Десетина лица се во болница откако, според нивни кажувања се затруле со храна во познатата скопска сендвичара „Седмица“ лоцирана во Карпош, јавуваат од министерството за здравство
„До завршување на вонредниот надзор бројката на лица со стомачни тегоби, проливи, гадење, повраќање и висока температура 39-40 степени изнесува 9 лица згрижени на ЈЗУ УК за инфективни болести и фебрилни состојби од кои 5 хоспитализирани и 4 амбулантски лекувани, а на инфективното одделение во ЈЗУ ГОБ „8-ми Септември” во моментот во дневна болница беа згрижени уште тројца пациенти“ велат од Министердтвото за здравство.
По јавувањето на проблемот извршена е вонредна контрола и земени се брисеви од вработените и работните средини како и мостри храна. Наложена е вонредна дезинфекција, а објектот е времено затворен.
