Не сакам Македонија да остане надвор од Европската Унија, но не може да продолжи таложењето омраза кон Бугарија со генерации во таму, вели бугарската министерка за надворешни работи Екатерина Захариева во интервју за Clubz.bg.
„Не, не сакам да остане надвор од ЕУ. Сега не ја одобривме рамката за преговори, тоа е различно. Не случајно Бугарија го направи проширувањето на Западен Балкан приоритет за време на нејзиното претседателство и направи многу за PсM и Албанија. Сепак, повторувам, создавањето генерација по генерација на омраза кон Бугарија не може да продолжи. Ова нема да запре ако тие утре станат членки“, изјавила Захариева.
