За коалицијата Алијанса-Алтернатива на Зијадин Села и Африм Гаши методологијата за попис била „анти-албанска мисија“.
Преку соопштение од колицијата порачуваат дека со обелоденувањето на методологијата, членовите на семејството нема да имаат право да потврдуваат етничка и верска припадност на нивните роднини кои се во странство.
Според Алијанса-Алтернатива со оваа методологија продолжува геноцидот врз Албанците од страна на Државниот завод за статистика, но овојпат, како што е наведено во соопштението, со директна поддршка од владејачката албанска партија ДУИ.
