Министерката за надворешни работи на Бугарија, Екатерина Захариева, објави дека Софија упати вербален демарш за Скопје поради запаленото знаме на Бугарија на карневалот во Вевчани.
„По повод медиумските објави за изгорено бугарско знаме во село Вевчани во Република Северна Македонија, му порачав на бугарскиот амбасадор во Скопје, Ангел Ангелов, да го изрази пред владата на РСМ нашето силно негодување за овој вандалски чин. Амбасадорот Ангелов веќе упати остар вербален демарш во Министерството за надворешни работи на РСМ“, напиша Захариева.
